ທັບນັກກິລາຈູຈິດຊູຂອງປະເທດລາວໄດ້ ເດີນທາງໄປເຂົ້າຮ່ວມການແຂ່ງຂັນຊີງແຊ໋ມເອເຊຍ ຄັ້ງທີ 8 ທີ່ເມືອງອາບູດາບີ ປະເທດສະຫະຣັດ ອາຣັບ ເອມິເຣຕ ລະຫວ່າງວັນທີ 3-8 ພຶດສະພານີ້. ຊື່ງນຳພາທັບໂດຍ ທ່ານ ກັນຍາເພັດ ພັນດານຸວົງ ຄູຝຶກດາວຸຮ່ງກິລາຈູຈິດຊູທີມຊາດລາວ, ມີນັກກິລາທັງໝົດ 4 ຄົນ ປະກອບມີ ນາງ ສົມມະນີ ມະນີໄຊ, ນາງ ຕຸກຕີ້ ແສງດາກີ, ນາງ ໄມພອນ ໄຊຍະເລີດ ແລະ ທ້າວ ນິດສອນ ແພງໂຊພາ.
ການແຂ່ງຂັນມື້ແຮກ ໃນວັນທີ 03 ພຶດສະພາ ຮຸ່ນປະຊາຊົນຍິງ ປະເທດລາວສົ່ງນັກກິລາເຂົ້າຮ່ວມ 2 ຄົນ ຄື: ນາງ ຈອມມະນີ ມະນີໄຊ –48ກກ ແລະ ນາງ ຕຸກກີ້ ແສງດາກີ –52ກກ ຜ່ານການແຂ່ງຂັນ ປາກົດວ່າ: ນາງ ຈອມມະນີ –48ກກ ລົງແຂ່ງປະເພດ Jiujitsu ຫລື Ne Waza ໂດຍທີ່ ຮອບ 16 ຄົນ ເອົາຊະນະ ນັກກິລາ ຈາກ ອູສເບກິສຖານ, ຮອບ 8 ຄົນສຸດທ້າຍ ເສຍໃຫ້ ສະຫະຣັດ ອາຣັບ ເອມິເຣຕ (ເຈົ້າພາບ) ແລະ ຮອບໄຕ່ຊີງຫລຽນທອງແດງ ເສຍໃຫ້ ຄາຊັກສຖານ ໄດ້ອັນດັບທີ 9 ຂອງການແຂ່ງຂັນ ຈາກນັກກິລາ 19 ຄົນ ແລະ–ນາງ ຕຸກກີ້ –52ກກ ລົງແຂ່ງປະເພດ Jiujitsu ຫລື Ne Waza ໂດຍທີ່ ຮອບ 16 ຄົນສຸດທ້າຍ ເອົາຊະນະ ນັກກິລາ ຈາກ ອິນເດຍ, ຮອບ 8 ຄົນສຸດທ້າຍ ເສຍໃຫ້ນັກກິລາ ຈາກ ເຈົ້າພາບ ສະຫະຣັດ ອາຣັບ ເອມິເຣຕ ແລະ ຮອບໄຕ່ຊີງຫລຽນທອງແດງ ເສຍໃຫ້ນັກກິລາ ຈາກ ໄທ ໄດ້ອັນດັບທີ 9 ຂອງການແຂ່ງຂັນ ຈາກນັກກິລາ 15 ຄົນ ເຊັ່ນດຽວກັນ
