ວັນທີ 25 ມີນາ 2024 ສູນ ໄອຊີທີ ກະຊວງສຶກສາທິການ ແລະ ກິລາ ໄດ້ຈັດກອງປະຊຸມ ສ້າງຄວາມເຂັ້ມແຂງ ການບໍລິຫານຄຸ້ມຄອງເວັບໄຊ ໃຫ້ພະນັກງານຂັ້ນແຂວງ 18 ແຂວງ ທົ່ວປະເທດ ລະຫວ່າງວັນທີ 25-29 ມີນາ 2024 ທີ່ ສູນຝຶກອົບຮົມຜູ້ບໍລິຫານການສຶກສາ ເມືອງ ວັງວຽງ, ແຂວງ ວຽງຈັນ ໂດຍການນຳໃຊ້ງົບປະມານ ຂອງໂຄງການ ກອງທຶນຮ່ວມມືສາກົນເພື່ອການສຶກສາໄລຍະສາມ ” ໂຄງການຮຽນຮູ້ ແລະ ຄວາມເທົ່າທຽມ ” ໃຫ້ກຽດເປັນປະທານໂດຍທ່ານ ພູເຂົາກ້າ ສັກລໍຄຳ ຜູ້ອຳນວຍການສູນ ໄອຊີທີ ກະຊວງສຶກສາທິການ ແລະ ກິລາ, ມີຜູ້ອຳນວຍການສູນໄອຊີທີ ຂັ້ນແຂວງ,ຮອງອຳນວຍການສູນໄອຊີທີ ຂັ້ນແຂວງ ພ້ອມດ້ວຍວິຊາການລວມທັງໝົດ 45 ທ່ານ, ຍິງ11ທ່ານ.
