ສູນເຕັກໂນໂລຊີຂ່າວສານ ແລະ ການສື່ສານການສຶກສາ ແລະ ກິລາ ກະຊວງສຶກສາທິການ ແລະ ກິລາ ໄດ້ຈັດ ກອງປະຊຸມສ້າງຄວາມເຂັ້ມແຂງວຽກງານໄອຊີທີໃຫ້ກັບພະນັກງານຂັ້ນເມືອງ 22 ເມືອງ ຂອງ 2 ແຂວງ ໄຊຍະບູລີ ແລະ ແຂວງ ວຽງຈັນ ໃນການຕິດຕັ້ງ Software,ຄຸ້ມຄອງ, ບຳລຸງຮັກສາອຸປະກອນ ແລະ ແກ້ໄຂບັນຫາຄອມພິວເຕີ ທີ່ແຂວງ ໄຊຍະບູລີ, ໄດ້ຈັດຂຶ້ນໃນລະຫວ່າງວັນທີ 11-15 ມີນາ 2024 ທີ່ຫ້ອງປະຊຸມສູນ ໄອຊີທີ ພະແນກສຶກສາທິການ ແລະ ກິລາ ແຂວງ ໄຊຍະບູລີ
ໂດຍການນໍາໃຊ້ງົບປະມານ ຂອງ ໂຄງການ ກອງທຶນຮ່ວມມືສາກົນເພື່ອການສຶກສາໄລຍະສາມ “ ໂຄງການຮຽນຮູ້ ແລະ ຄວາມເທົ່າທຽມ”. ໃຫ້ກຽດເຂົ້າຮ່ວມ ແລະ ເປັນປະທານໂດຍ ທ່ານ ບຸນທະວີ ໂສພາ ຮອງຫົວໜ້າພະແນກສຶກສາທິການ ແລະ ກິລາ ແຂວງ ໄຊຍະບູລີ. ມີຜູ້ເຂົ້າຮ່ວມຈາກພາກສ່ວນ ສູນໄອຊີທີ ກະຊວງສຶກສາທິການ ແລະ ກິລາ, ສູນໄອຊີທີ ພະແນກສຶກສາທິການ ແລະ ກິລາ ແຂວງ ໄຊຍະບູລີ, ຫ້ອງການສຶກສາທິການ ແລະ ກິລາ 22 ເມືອງຂອງ 2 ແຂວງ, ໄຊຍະບູລີ ແລະ ແຂວງ ວຽງຈັນ ລວມທັງໝົດ ຸ50 ທ່ານ, ຍິງ 9 ທ່ານ. ຈຸດປະສົງເພື່ອ ສ້າງຄວາມເຂັ້ມແຂງວຽກງານ ໄອຊີທີ ໃຫ້ກັບພະນັກງານຂັ້ນເມືອງ ໃນການຕິດຕັ້ງ windows, ຕິດຕັ້ງ software, ຄຸ້ມຄອງ, ບຳລຸງຮັກສາອຸປະກອນ ແລະ ແກ້ໄຂບັນຫາຄອມພິວເຕີ
