ກອງປະຊຸມດັ່ງກ່າວ, ແມ່ນຈັດຂື້ນໃນວັນທີ 29 ມິຖຸນາ 2026 ທີ່ຫ້ອງວ່າການປົກຄອງເມືອງວັງວຽງ ແຂວງວຽງຈັນ. ໂອກາດດັ່ງກ່າວ ທ່ານ ສີຈັນ ຈິດຕະປັນຍາ ຫົວໜ້າກົມກິລາລະດັບສູງ ກະຊວງສຶກສາທິການ ແລະ ກິລາ ກໍ່ໄດ້ຂື້ນນຳສະເໜີ ເນື້ອໃນກອງປະຊຸມທີ່ຈະດຳເນີນແຕ່ວັນທີ 29 ມິຖຸນາ ຫາ 1 ກໍລະກົດ 2026 ໂດຍກອງປະຊຸມໃນຄັ້ງນີ້ ໄດ້ຈະມີການຄົ້ນຄວ້າ, ປຶກສາຫາລື ແລະ ປະກອບຄຳເຫັນ ໃສ່ຂໍ້ກຳນົດ ວ່າດ້ວຍ ການຈັດງານມະຫາກຳກິລາແຫ່ງຊາດ, ພ້ອມນັ້ນ, ຍັງໄດ້ມີການນຳສະເໜີ ແຜນວຽກຈຸດສຸມ ແຕ່ປີ 2025-2030 ແລະ ໄດ້ມີການສະເໜີປັນຫາ ແລະ ຈຸດອ່ອນ ທີ່ຜ່ານມາ ທີ່ໄດ້ພົບເຫັນ ແລະ ເກີດຂື້ນໃຫ້ວຽກການແຂ່ງຂັນງານມະຫາກຳກິລາແຫ່ງຊາດ ຄັ້ງທີ່ຜ່ານມາ. ນອກນັ້ນ, ທ່ານ ສີຈັນ ຈິດຕະປັນຍາ ຍັງໄດ້ນຳສະເໜີແຜນວຽກການໄປແຂ່ງຂັນຢູ່ຕ່າງປະເທດ ໂດຍສະເພາະ ງານມະຫາກຳກິລາຊີເກມ, ເອເຊຍເກມ …
