ເລີ່ມຢ່າງເປັນທາງການແລ້ວ ການແຂ່ງຂັນດອກປີກໄກ່ ໃນງານມະຫາກຳກິລາມະຫາວິທະຍາໄລລາວ ຄັ້ງທີ 2 ທີ່ມະຫາວິທະຍາໄລແຫ່ງຊາດ ຮັບກຽດເປັນເຈົ້າພາບ ໂດຍມີການຊີງໄຊທັງໝົດ 5 ຫຼຽນຄໍາ.
ພິທີເປີດການແຂ່ງຂັນກິລາດອກປີກໄກ່ໃນຄັ້ງນີ້ ໄດ້ມີຂຶ້ນເມື່ອນຕອນເຊົ້າວັນທີ 6 ພຶດສະພາ 2024 ທີ່ສະໜາມກິລາດອກປີກໄກ່ໜອງວຽງຈັນ ເມືອງໄຊທານີ ນະຄອນຫຼວງວຽງຈັນ ຊຶ່ງເປັນການແຂ່ງຂັນຮອບຄັດເລືອກ ປະເພດ່ຽວຊາຍ, ຄູ່ຊາຍ, ດ່ຽວຍິງ, ຄູ່ຍິງ ແລະ ທີມປະສົມ ໂດຍມີນັກກິລາຈາກ 9 ພາກສ່ວນເຂົ້າຮ່ວມ ປະກອບມີ: ມະຫາວິທະຍາໄລແຫ່ງຊາດ ເຈົ້າພາບ (ມຊ) ມະຫາວິທະຍາໄລສຸພານຸວົງ (ມສ), ມະຫາວິທະຍາໄລວິທະຍາສາດສຸຂະພາບ (ມວສ), ສະຖາບັນເຕັກໂນໂລຊີສຸດສະກະ (ສຕສ), ສະຖາບັນການທະນາຄານ (ສທຄ), ສະຖາບັນຍຸຕິທຳແຫ່ງຊາດ (ສຍຊ), ສະຖາບັນຣັຕນະບໍລິຫານທຸລະກິດ (ສຣບທ) ແລະ ສະຖາບັນລາວ-ອາເມລິກາ (ສລອ).
ສຳລັບການແຂ່ງຂັນກິລາດອກປີກໄກ່ ໃນງານມະຫາກຳກິລາມະຫາວິທະຍາໄລລາວ ຄັ້ງທີ 2 ຈະດໍາເນີນການແຂ່ງຂັນ ລະຫວ່າງວັນທີ 6-9 ພຶດສະພາ 2024 ມີການຊີງໄຊທັງໝົດ 5 ຫຼຽນຄຳ ຄື: ປະເພດດ່ຽວຊາຍ 9 ທີມ, ຄູ່ຊາຍ 8 ທີມ, ດ່ຽວຍິງ 5 ທີມ, ຄູ່ຍິງ 7 ທີມ ແລະ ຄູ່ປະສົມ ມີ 8 ທີມ.
#ສູນຂ່າວ ກມລ2
#ພາບ-ຂ່າວໂດຍ: ລູກນ້ຳເຊ ອິນທະດາລິນ
