ທັບນັກກິລາເຍົາວະຊົນປິ່ງປ່ອງຂອງ ສປປ ລາວ ກຽມອອກເດີນທາງເຂົ້າຮ່ວມການແຂ່ງຂັນກິລາປິ່ງປ່ອງຊີງແຊ໋ມເຍົາວະຊົນອາຊຽນ ຄັ້ງທີ 28 ທີ່ນະຄອນຫລວງກູລາລຳເປີ ປະເທດມາເລເຊຍ ໃນລະຫວ່າງວັນທີ 11-17 ພຶດສະພານີ້.
ອີງຕາມຂໍ້ມູນໜັງສືສະເໜີ ເລກທີ 510/ສສກ ລົງວັນທີ 30 ເມສາ 2024 ເລື່ອງຂໍອະນຸມັດໃຫ້ຫົວຫນ້າຄະນະ, ຄູຝຶກ ແລະ ນັກກິລາປິ່ງປ່ອງ ເຂົ້າຮ່ວມການແຂ່ງຂັນກິລາປິ່ງປ່ອງຊີງແຊ໋ມເຍົາວະຊົນອາຊຽນ ຄັ້ງທີ 28 ທີ່ນະຄອນຫລວງກູລາລຳເປີ ປະເທດມາເລເຊຍ ໃນລະຫວ່າງວັນທີ 11-17 ພຶດສະພາ2024 ໂດຍປະກອບມີ
ທ່ານນາງ ສົມໃຈ ວົງສາ ເລຂາທິການສະຫະພັນກິລາປິ່ງປ່ອງແຫ່ງຊາດລາວ ເປັນຫົວຫນ້າຄະນະ, ທ່ານນາງ ດາລາວອນ ມະນີຈັນ ເປັນຄູຝຶກ, ທ່ານ ຈັນທະລາດ ຫຍຸຍວານີຊະວົງ ຄູຝຶກ, ທ່ານ ແອນດີ້ ວັນດາລາ ຄະນະ
ສ່ວນນັກກິລາປະກອບມີ ທ້າວ ອານັນ ວົງສາ, ທ້າວ ຫລາວຄຳ ມະນີຈັນ,ທ້າວ ຈອນນີ ຊິມອົມ, ທ້າວ ເພັດສະຫວັນ ສຸພາພອນ, ທ້າວ ໄຊຊະນະ ໄຊສະຫວາດ, ທ້າວ ພົງສະຫວັນ ແສງມະນີ, ທ້າວ ພູວາເດດ ພະນາເພັດ, ນາງ ທິບພາວັນ ໄຊເພັດວົງ, ນາງ ສີມີລັນ ຈັນນະວົງ, ນາງ ນ້ຳທິບ ສະລິດທິລາດ, ນາງ ທິບພະຈັນ ໄຊເພັດວົງ, ນາງ ຈຸຕິພອນ ສີສົມບູນ ແລະ ນາງເພັດສະໄໝ ກິຍາວົງ.
ຂໍ້ມູນຈາກກົມກິລາລະດັບສູງ ກະຊວງສຶກສາທິການ ແລະ ກິລາ
