ສຳເລັດການຝຶກອົບຮົມກຳມະການ Training Commissaire Course 2024 ທີ່ນະຄອນຫລວງວຽງຈັນ 3-4/5/2024 ຈັດໂດຍສະຫະພັນລົດຖີບແຫ່ງຊາດລາວ. ຜູ້ເຂົ້າຮ່ວມການຝຶກອົບຮົມໄດ້ຜ່ານຫລັກສູດທີ່ກ່ຽວຂ້ອງກັບການລະບຽບການຈັດການແຂ່ງຂັນ, ກະຕິກາ ແລະ ການອັບເດດຂໍ້ມູນການປ່ຽນແປງຫລັກການຕ່າງໆ ຂອງ UCI ໃນປີ 2024.
ນອກຈາກນັ້ນຍັງໄດ້ມີການຝຶກອົບຮົມຕົວຈິງຂອງການແຂ່ງຂັນ. ມີຜູ້ຮັບການຝຶກອົບຮົມທັງຫມົດຈຳນວນ 16 ທ່ານ (ຈາກນະຄອນຫລວງວຽງຈັນ 15 ທ່ານ ແລະ ຈາກແຂວງວຽງຈັນ 1 ທ່ານ) . ພາຍຫລັງທີ່ຈົບການຝຶກອົບຮົມແລ້ວ ຜູ້ເຂົ້າຮ່ວມ ໄດ້ຮັບໃບຢັ້ງຢືນຈາກທ່ານປະທານສະຫະພັນລົດຖີບແຫ່ງຊາດລາວ ແລະ ໄດ້ຮັບບັດ UCI ID ເຊິ່ງບັນດາທ່ານທີ່ຜ່ານການຝຶກອົບຮົມຄັ້ງນີ້ ຈະຖືກຮັບຮອງ ແລະ ເປັນກຳມະການໃນການແຂ່ງຂັນລະດັບແຂວງ, ລະດັບສະຫະພັນ, ລະດັບປະເທດ, ລະດັບການແຂ່ງຂັນນາໆຊາດ ແລະ ລະດັບ UCI ໃນ ສປປລາວ ທຸກລາຍການ.
