ກອງປະຊຸມດັ່ງກ່າວ ແມ່ນໄດ້ຈັດຂື້ນໃນວັນທີ 6 ພະຈິກ 2024 ທີ່ຫ້ອງປະຊຸມ ກົມກິລາລະດັບສູງ ກະຊວງສຶກສາທິການ ແລະ ກິລາ (ຕຶກເຈົ້າອານຸວົງ) ພາຍໃຕ້ການເປັນປະທານຂອງທ່ານ ສີຈັນ ຈິດຕະປັນຍາ ວ່າການຫົວຫນ້າກົມກິລາລະດັບສູງ ພ້ອມດ້ວຍ ຮອງຫົວໜ້າກົມ, ຫົວໜ້າພະແນກ, ຮອງພະແນກ, ພະນັກງານ-ວິຊາການ ເຂົ້າຮ່ວມຢ່າງພ້ອມພຽງ.
ໃນກອງປະຊຸມຄັ້ງນີ້ ແມ່ນໄດ້ມີການທົບທວນວຽກງານຜ່ານມາ ແລະ ລາຍງານວຽກການເຄື່ອນໄຫວຕ່າງໆຂອງກົມທີ່ສຳເລັດ ແລະ ຍັງຄ້າງຢູ່ ເພື່ອມາແກ້ໄຂ ແລະ ວາງແຜນການຈັດຕັ້ງປະຕິບັດວຽກງານໃນເດືອນພະຈິກ ໃຫ້ສຳເລັດ ແລະ ມີຜົນງານອັນພົ້ນເດັ່ນ ໃນຕໍ່ໜ້າ.
