ສະຫະພັນກິລາກາຣາເຕໂດແຫ່ງຊາດລາວ ສ້າງຜົນງານເດັ່ນນຳພາທັບນັກກິລາທີມຊາດລາວ ຍາດ 1 ຫຼຽນເງີນ ທ້າວ ເຈດສະດາ ພົມມະວົງສາ ໃນການແຂ່ງຂັນຄາຣາເຕໂດ ລາຍການ SOUTH EAST ASIAN KARATE FEDERATION (SEAKF) ທີ່ນະຄອນຫຼວງບາງກອກ ປະເທດໄທ ເປັນເຈົ້າພາບ ໃນເດືອນຜ່ານມາ.
ອີງຕາມການໃຫ້ສຳພາດຂອງ ທ່ານ ສອນສັກ ນະຍານຊະນະ ຫົວໜ້າຄະນະ ພ້ອມທັງເປັນຫົວໜ້າຄູຝຶກ ໄດ້ໃຫ້ສຳພາດ ແລະ ລາຍງານການເຂົ້າຮ່ວມການແຂ່ງຂັນຄາຣາເຕໂດ ລາຍການ SOUTH EAST ASIAN KARATE FEDERATION (SEAKF) ທີ່ນະຄອນຫຼວງບາງກອກ ປະເທດໄທ ເປັນເຈົ້າພາບ ໃຫ້ຊາບວ່າ : ໃນລະຫວ່າງວັນທີ 22-26 ເມສາ ຜ່ານມາ ທາງສະຫະພັນກິລາກາຣາເຕໂດແຫ່ງຊາດລາວ ໄດ້ນຳພາທັບນັກກິລາເດີນທາງເຂົ້າຮ່ວມການແຂ່ງຂັນຄາຣາເຕໂດ ລາຍການ SOUTH EAST ASIAN KARATE FEDERATION (SEAKF) ທີ່ນະຄອນຫຼວງບາງກອກ ປະເທດໄທ. ເຊີ່ງຄັ້ງນີ້ມີທັງໝົດ 11 ປະເທດໃນອາຊຽນ ເຂົ້າຮ່ວມ ມີນັກກິລາທັງໝົດ 404 ຄົນ ແຂ່ງຂັນຊີງຫຼຽນທັງໝົດ 55 ຫຼຽນຄຳ, 55 ຫຼຽນເງີນ ແລະ 110 ຫຼຽນທອງ. ຜ່ານການແຂ່ງຂັນນັກກິລາລາວເຮົາ ສາມາດຍາດມາໄດ້ 1 ຫຼຽນເງີນ ຈາກທ້າວ ເຈດສະດາ ພົມມະວົງສາ ປະເພດຕໍ່ສູ້ ຮຸ່ນອາຍຸ 14-15 ປີ ນ້ຳໜັກ 63 ກິໂລກຣາມ ແລະ ຍັງໄດ້ເຂົ້າຊີງ 5 ຫຼຽນທອງ ປະກອບມີ ທ້າວ ຣັງ ວົງສີດາ ປະເພດ KATA ຮຸ່ນອາຍຸ 21 ປີ ນ້ຳໜັກ 60 ກິໂລກຣາມ; ທ້າວ ສາຍຄໍາ ແກ້ວລາດຊະວົງ ປະເພດຕໍ່ສູ້ ຮຸ່ນອາຍຸ 55 ປີ ນ້ຳໜັກ 55 ກິໂລກຣາມ; ທ້າວ ເອກພັດທະນາ ໄຊສິຫາລາດ ປະເພດຕໍ່ສູ້ ຮຸ່ນ JUNIOR ນ້ຳໜັກ 76 ກິໂລກຣາມ; ທ້າວ ອາໂນໄທ ຈັນທະວີໄຊ ປະເພດຕໍ່ສູ້ ຮຸ່ນອາຍຸ 21 ປີ ນ້ຳໜັກ 60 ກິໂລກຣາມ ແລະ ນາງ ພອນທິດາ ເຊັງວົງ ປະເພດຕໍ່ສູ້ ຮຸ່ນອາຍຸ 21 ປີ ນ້ຳໜັກ 620 ກິໂລກຣາມ ແລະ ສປປ ລາວ ກໍ່ຖືກຈັດຢູ່ໃນອັນດັບທີ 7 ຂອງຕາຕະລາງສະຫລຸບຫຼຽນ. ນອກຈາກນັ້ນ ທາງສະຫະພັນ ຍັງໄດ້ສົ່ງກຳມະການຕັດສິນ ທ່ານ ນາງ ຈັນສຸດາ ເພັດສິຣິແສງ ເຂົ້າຮ່ວມການຕັດສິນໃນຄັ້ງນີ້ດ້ວຍ.
