ທັບນັກກິລາແລ່ນ-ລານທີມຊາດລາວ ກຽມອອກເດີນທາງເຂົ້າຮ່ວມການແຂ່ງຂັນກິລາແລ່ນປ່ຽນໄມ້ຊີງແຊ໋ມອາຊີ ຄັ້ງທີ 1 ທີ່ນະຄອນຫລວງບາງກອກ ປະເທດໄທ ເປັນເຈົ້າພາບ ໃນລະຫວ່າງວັນທີ 20-21 ພຶດສະພາຈະເຖິງນີ້.
ອີງຕາມຂໍ້ມູນໜັງສືສະເໜີ ເລກທີ 509/ສສກ ລົງວັນທີ 30 ເມສາ 2024 ເລື່ອງຂໍອະນຸມັດສົ່ງຫົວຫນ້າຄະນະ, ຄູຝຶກ ແລະ ນັກກິລາແລ່ນ-ລານທີມຊາດລາວ ເຂົ້າຮ່ວມການ ການແຂ່ງຂັນກິລາແລ່ນປ່ຽນໄມ້ຊີງແຊ໋ມອາຊີ ຄັ້ງທີ 1 ທີ່ນະຄອນຫລວງບາງກອກ ປະເທດໄທ ເປັນເຈົ້າພາບ ໃນລະຫວ່າງວັນທີ 20-21 ພຶດສະພາຈະເຖິງນີ້ ໂດຍປະກອບມີ ທ່ານນາງ ມາລາ ສາກົນນິຍົມເປັນຫົວຫນ້າຄະນະ, ທ່ານ ຈະເລີນສຸກ ອ່າວອຸດົມພັນ ເປັນຄູຝຶກ ແລະ ນັກກິລາ ຈຳນວນ 5 ຄົນ ປະກອບມີ:
- ທ້າວ ສີພາສຸກ ບົດວິໄລທອງ
- ທ້າວ ສໍສີ ພົມພັກດີ
- ທ້າວ ສີວອນ ພອນມະນີວົງ
- ທ້າວ ໄຊດາວັນ ວົງສະຫວັນ
- ທ້າວ ກອງຄຳ ເຄືອບມະວົງ
