ປະຊຸມດັ່ງກ່າວຄັ້ງທີ ແມ່ນດຳເນີນເປັນມື້ທີ 2 ຂອງວັນທີ 27 ກຸມພາ 2025 ທີ່ຫ້ອງປະຊຸມຄະນະກຳມະການໂອແລມປິກແຫ່ງຊາດລາວ ໃຫ້ກຽດເປັນປະທານໂດຍ ທ່ານ ກິ່ງມະໂນ ພົມມະຫາໄຊ ຮອງລັດຖະມົນຕີກະຊວງສຶກສາທິການ ແລະ ກິລາ, ຜູ້ຊີ້ນຳວຽກກິລາ-ກາຍຍະກຳ, ມີຫົວຫນ້າກົມກິລາລະດັບສູງ, ຫົວໜ້າກົມມວນຊົນ, ພະລະ ແລະ ສີລະປະສຶກສາ ກະຊວງສຶກສາທິການ ແລະ ກິລາ, ມີບັນດາຮອງຫົວໜ້າກົມ, ຫົວໜ້າພະແນກສຶກສາທິການ ແລະ ກິລາ, ຮອງພະແນກ, ຫົວໜ້າຂະແໜງກິລາ ຈາກ 17 ແຂວງ 1 ນະຄອນຫລວງ, ປະທານ, ຮອງປະທານ, ເລຂາທິການ ຈາກບັນດາສະຫະພັນກິລາແຫ່ງຊາດ ເຂົ້າຮ່ວມຢ່າງພ້ອມພຽງ
ໃນວາລະຂອງມື້ທຳອິດ (26 ກຸມພາ) ແມ່ນຈະເປັນການແບ່ງກຸ່ມຄົ້ນຄວ້າ ຕາມແຕ່ລະຫົວຂໍ້ເນື້ອໃນຂອງຮ່າງແຜນຍຸດທະສາດກິລາລາວ, ໃນວັນທີ 27 ກຸມພາ 2025 ແມ່ນຈະເປັນການລາຍງານການຈັດຕັ້ງປະຕິບັດວຽກງານກິລາລະດັບສູງໃນປີ 2024 ແລະ ທິດທາງແຜນການປີ 2025, ລາຍງານຜົນການຄົ້ນຄວ້າ ແລະ ປະກອບຄຳເຫັນລວມຂອງຜູ້ແທນກອງປະຊຸມ ຕໍ່ຮ່າງແຜນຍຸດທະສາດພັດທະນາກິລາລາວ ຮອດປີ 2030 ແລະ ວິໄສທັດ ຮອດປີ 2050. ນອກຈາກນັ້ນ, ຍັງມີການປະກອບຄຳເຫັນ ຂອງບັນດາແຂວງ/ນະຄອນຫຼວງ ແລະ ສະຫະພັນກິລາແຫ່ງຊາດ ໃນການຈັດຕັ້ງປະຕິບັດວຽກງານທີ່ພົ້ນເດັ່ນໃນປີ 2024 ແລະ ແຜນບູລິມະສິດ 2025 ແລະ ຍັງໄດ້ມີການລາຍງານການກະກຽມການເປັນເຈົ້າພາບຈັດການແຂ່ງຂັນມະຫາກຳກິລາແຫ່ງຊາດ ຄັ້ງທີ XII ທີ່ນະຄອນຫລວງວຽງຈັນ ເປັນເຈົ້າພາບ ໃນທ້າຍປີນີ້.
ສຳລັບ ກອງປະຊຸມຄັ້ງນີ້ ແມ່ນຈະດຳເນີນເປັນເວລາ 3 ວັນ ລະຫວ່າງວັນທີ 26-28 ກຸມພາ 2025.
Previous slide
Next slide
