ເມື່ອວັນທີ 28 ພຶດສະພາ 2025 ທີ່ຫ້ອງປະຊຸມກົມກິລາລະດັບສູງ ກະຊວງສຶກສາທິການ ແລະ ກິລາ (ຕຶກເຈົ້າອານຸວົງ) ທີມງານຈາກສະຖານທູດໄທ ປະຈຳ ສປປ ລາວ ພ້ອມດ້ວຍຄະນະ ເຂົ້າພົບທ່ານ ສີຈັນ ຈິດຕະປັນຍາ ວ່າການແທນຫົວຫນ້າກົມກິລາລະດັບສູງ ກະຊວງສຶກສາທິການ ແລະ ກິລາ ພ້ອມດ້ວຍຄະນະ ເພື່ອລາຍງານການນຳເຂົ້າອຸປະກອນທີ່ທາງ TICA ຈະມອບໃຫ້ ສປປ ລາວ ກໍ່ຄື ກົມກິລາລະດັບສູງ ໂດຍຕິດຕັ້ງທີ່ສະຖາບັນກິລາ-ກາຍຍະກຳ ແລະ ນຳໃຊ້ຮ່ວມກັນລະຫວ່າງ ສະຫະພັນກິລາແຫ່ງຊາດ ແລະ ສະຖາບັນກິລາ-ກາຍຍະກຳ ພາຍໃຕ້ໂຄງການຮ່ວມມືລາວ-ໄທ ໄລຍະ 2 ປີ 2022-2024
